Gian Piero Gasperini, trajner i Atalantës, ka shprehur kritika të ashpra ndaj sistemit VAR (Video Assistant Referee) në futboll. Në një intervistë për ‘Sport Mediaset’, para ndeshjes së çerekfinales së Kupës së Italisë kundër Bologna-s, Gasperini tha:
“VAR-i nuk e ka vlerësuar futbollin, përkundrazi e ka përkeqësuar shumë. Jam absolutisht në vështirësi me VAR-in, i cili ka ndryshuar plotësisht lojën. Ata që janë në këtë mjedis për shumë vite nuk e njohin më këtë lojë.”
Gasperini vazhdoi duke theksuar se VAR-i ka sjellë shumë konfuzion, veçanërisht në rastet e dueleve dhe prekjeve të topit me dorë. Ai tha:
“Ka shumë konfuzion në lidhje me duelet dhe prekjet me dorë. Disa raste spektakolare VAR-i i zbulon, por ka shumë raste të tjera që e kanë bërë këtë lojë diçka krejtësisht të ndryshme, edhe në frymë, në lëvizje dhe në zhvillim.”
Trajneri i Atalantës vuri në dukje edhe se VAR-i ka rritur polemikat midis tifozëve:
“Ka krijuar shumë konfuzion edhe tek tifozët, sepse polemikat tani janë trefishuar. Nuk ka siguri në rregulloret, gjithçka mund të jetë dhe e kundërta e gjithçkaje. Si mjet, është bërë shumë pak i dobishëm.”
Gasperini ishte ankuar edhe në ndeshjen e fundit për anulimin e një goli të Bellanova-s dhe për një penallti që nuk u ndëshkua për një prekje dore të Coco në një top të Djimsiti-t. Sipas tij, VAR-i ka ndryshuar thelbësisht natyrën e futbollit, duke e bërë atë diçka të ndryshme nga ajo që ishte më parë.
