Edhe Richard Grenell, i dërguari i presidentit Donald Trump për misione speciale, ka hedhur akuza në lidhje me keqpërdorimin e fondeve amerikane nga Agjencia për Zhvillim Ndërkombëtar, e njohur si USAID.
Në një postim në rrjetin social “X”, Grenell akuzon ish-drejtuesen e USAID, Samantha Power, se ka përdorur paratë e taksapaguesve amerikanë për të financuar të majtën ekstreme. Ai kërkon që Samantha Power të hetohet nga FBI-ja.
“Çfarë bëri Samantha Power në USAID me dollarët e taksapaguesve amerikanë duhet të hetohet nga FBI. Ajo përdori paratë tuaja për të financuar programe të çmendura radikale dhe aktivistë të së majtës ekstreme. Hetoni!” shkruan Grenell.
Kujtojmë se edhe Elon Musk e ka konsideruar USAID-in si një organizatë kriminale dhe sipas tij, tashmë ka ardhur koha që ajo të “vdesi”.
What Samantha Power did with your tax dollars at @usaid should be an FBI Investigation.
She used your money to fund crazy radical programs and far Left activists.
Investigate!
— Richard Grenell (@RichardGrenell) February 2, 2025
