Java e 23-të e Kategorisë u mbyll me dy ndeshjet e fundit, Tirana – Elbasani dhe Dinamo– Skënderbeu.
Në “Niko Dovana”, Tirana dhe Elbasani u ndanë në barazim 1-1. Bardheblutë kaluan të parët në avantazh, ndërsa miqtë barazuan në pjesën e dytë.
Me të njëjtin rezultat, 1-1 përfundoi edhe ndeshja në “Elbasan Arena” mes Dinamo City-t dhe Skënderbeut.
Po sot u zhvillua edhe sfida mes Laçit dhe Partizanit, e cila u mbyll pa gola 0-0.
Egnatia mori një tjetër fitore në kampionat, duke mundur Bylisin në shtëpi me rezultatin 2-1. Golat e Lushkjas dhe Ndrecës vulosën triumfin e kampionëve në fuqi.
Vllaznia u rikthye te fitorja, pasi mundi Teutën në “Niko Dovana” me rezultatin 3-1. Kuqeblutë bënë një paraqitje shumë të mirë, ndërsa golat e fitores u realizuan nga Mala, Balaj dhe Dodaj.
Pas javës së 23-të situata nuk ka ndryshuar shumë në krahasim me atë që ishte në javën e kaluar.
Kjo do të thotë se Egnatia dhe Vllaznia që fituan sfidat përkatëse të premten, kanë qenë të vetmet ekipe që kanë bërë lëvizje domethënëse me tre pikët e tyre, me rrogozhinasit që tani kanë dy pikë avantazh në kryesim, pikërisht ndaj shkodranëve, ndërsa Partizani e Dinamo janë një hap më larg.
Sa i përket fundit të tabelës, mbeten 5 skuadra të përfshira plotësisht në luftën për mbijetesë, me 4 pikë që ndajnë vendin e fundit me atë të 6 që mbahet nga Laçi.
Renditja:
