Në ndeshjen e vlefshme për javën e 24-të mes Everton dhe Leicester është shënuar goli i katërt më i shpejtë në historinë e Premier League.
Abdoulaye Doucoure, shënoi vetëm pas 10 sekondash lojë. Mesfushori i Everton dërgoi topin në rrjetë, pas një asisti të marrë nga portieri Pickford. Ky është goli më i shpejtë i shënuar në historinë e Everton, ndërsa në Premier League është i katërti. SHIKO GOLIN
Rekordin për golin më të shpejtë e mban Shane Long me 7.69 sekonda, vendin e dytë Philip Billing me 9.11 sekonda, vendin e tretë Ledly King me 9.82 sekonda. Goli i Doucoure renditet i katërti me 10.18 sekonda dhe në vend të pestë Shearer me 10.52 sekonda.
Përsa i përket ndeshjes, Everton shënoi edhe golin e dytë pas 5 minutash lojë me Beto. Në ndeshjet e tjera, momentalisht Liverpool po fiton 0-1 në transfertë ndaj Bournemouth me golin e Salah nga penalltia në minutën e 30′, Ipswich-Southampton 1-1, Newcastle-Fulham 1-0.
