Liga e Kampioneve ka ndryshuar format në këtë edicion, me premtimin që klubet do të fitonin shuma më të larta nga pjesëmarrja në këtë turne, edhe pse do u shtoheshin dy ndeshje më shumë në fazën e grupeve. Dhe skema aktuale duket se ka bërë të lumtura shumë skuadra, pavarësisht pozitave të tyre në renditjen e përgjithshme.
Duke marrë për bazë shpërblimet fikse, si dhe premiot e ndara për çdo klub në bazë të renditjes përfundimtare në këtë fazë grupesh, rezulton se kjo skemë ka bërë që shumë ekipe të kenë siguruar fitime marramendëse thjesht nga UEFA, pa llogaritur këtu të ardhura nga biletat apo marketingu i tyre personal.
Liverpuli kryesues i renditjes është ai që ka fituar më shumë, me totalin që ka kaluar 56 milionë euro, pasi ashtu si edhe 7 klubeve të tjera që kanë kaluar në fazën e dytë me eliminim direkt, atë të 16 më të mirave, u është shtuar edhe bonusi prej 11 milionë eurosh. Të gjitha klubet e tetëshes së parë kanë siguruar mbi 50 milionë euro nga UEFA, gjë që do të ndihmojë ndjeshëm këto skuadra në planifikimin për të ardhmen.
Mes të tjerëve është Atalanta që kryeson me thuajse 38 milionë euro, teksa ka lënë pas me rreth 1 milion euro Milanin apo 6 milionë euro më shumë se Juventusi. Klubi me më pak fitime nga faza në grupe rezulton të jetë Jang Bojs me thuajse 19 milionë euro.
FITIMET E KLUBEVE
Liverpul: 56.220.000 €*
Barcelona: 54.545.000 €*
Arsenal: 54.270.000 €*
Inter: 53.995.000 €*
Atletiko Madrid: 53.020.000 €*
Bajer Leverkusen: 51.345.000 €*
Lilë: 51.070.000 €*
Aston Vila: 50.795.000 €*
Atalanta: 37.820.000 €
Borusia Dortmund: 37.545.000 €
Real Madrid: 37.270.000 €
Bajern Mynih: 36.995.000 €
Milan: 36.720.000 €
PSV: 35.745.000 €
PSG: 34.770.000 €
Benfika: 34.495.000 €
Monako: 33.220.000 €
Brest: 32.945.000 €
Fejenord: 32.670.000 €
Juventus: 31.695.000 €
Sëlltik: 31.420.000 €
Mançester Siti: 30.445.000 €
Sporting Lisbonë: 30.170.000 €
Klub Bryzh: 29.895.000 €
Dinamo Zagreb: 29.620.000 €
Shtutgart: 28.645.000 €
Shakhtar Donjetck: 26.270.000 €
Bolonja: 25.295.000 €
Crvena Zvezda: 25.020.000 €
Shturm Grac: 24.745.000 €
Sparta Pragë: 23.070.000 €
RB Lajpcig: 22.095.000 €
Xhirona: 21.820.000 €
RB Salcburg: 21.545.000 €
Slovan Bratislava: 19.170.000 €
Jang Bojs: 18.895.000 €
Këtyre klubeve u është shtuar edhe shuma 11 milionë euro e fituar nga kualifikimi direkt në turin e dytë me eliminim direkt.
