Ditën e sotme janë rikthyer reshjet e shiut në të gjithë territorin.
Por kush janë zonat e Shqipërisë që rrezikojnë nga përmbytjet? Meteorologia Tanja Porja parashikon se gjatë ditës së sotme do të ketë rrebeshe afatshkurta kryesisht në veri ndërsa gjatë pasdites do të ketë rrebeshe edhe në lindje e jug-lindje të vendit.
“Sot kemi rebeshe shiu në pjesën më të madhe të vendit. Në mesditë kemi intensitet të reshjeve dhe rrebeshe afatshkurtra në veri dhe qendër dhe në zonat jugore. Në pjesën e dytë të ditës rrebeshet zhvendosen drejt lindjes dhe juglindjes. Termometri ulet me 3 gradë në të gjithë Shqipërinë”, tha Porja në A2 CNN.
