Pas ndarjes së tyre, verën e kaluar, duket se Alvaro Morata dhe Alice Campello kanë vendosur t’i japin një tjetër mundësi marrëdhënies si çift.
Edhe pse njoftimi zyrtar ende mungon, reagimet e fundit të Alice në rrjetet sociale tregojnë qartë një kthesë pozitive.
Lajmin e ka zbuluar eksperti i thashethemeve, Alessandro Rosica, i cili ka deklaruar në Instagram: “Ju siguroj që Alvaro Morata dhe Alice Campello janë bashkuar zyrtarisht. Së shpejti do t’i shihni sërish të fotografuar bashkë. Kam shkuar deri në Spanjë për ta konfirmuar. Ata jetojnë sërish bashkë dhe janë më të dashuruar se kurrë”.
Një detaj që ka tërhequr vëmendjen është “like” i Alice në postimin e Rosica-s, që mund të konsiderohet konfirmim i heshtur. Në një intervistë të fundit, Alice kishte lënë gjithashtu derën hapur për një rikthim: “Nuk e di as çfarë do të ha nesër, jeta ndryshon dhe të surprizon çdo ditë. Çdo gjë është e mundur”.
Alice u pa në “San Siro”, gjatë ndeshjes Milan-Parma, në shoqërinë e fëmijëve të saj dhe të Moratës, duke rritur edhe më shumë dyshimet për ribashkimin e tyre.
Në muajt e fundit, ata kanë pranuar publikisht se ndarja ishte për shkak të sfidave personale.
Alice ka folur për depresionin pas lindjes, që e çoi edhe në terapi intensive pas lindjes së vajzës së tyre, Bella. Ndërkohë, Morata ka zbuluar se ka kaluar atake paniku.
Gjithsesi, siç duket, dashuria mes tyre nuk është shuar kurrë plotësisht. Sipas burimeve spanjolle, edhe vetë Morata e ka konfirmuar rikthimin, duke thënë:
“Po, po i japim një tjetër mundësi marrëdhënies sonë. Dashuria triumfon mbi gjithçka”.
Rikthimi i Moratës në një gjendje më të qetë dhe të lumtur mund të jetë gjithashtu lajm i mirë për Milanin, i cili ka nevojë për golat dhe kontributin e tij në sulm.
