CEO dhe krijuesi i OpenAI, Sam Altman, e quajti modelin AI të startupit Kinez DeepSeek “impresionues” ditën e Hënë por theksoi se OpenAI beson që fuqia e madhe kompjuterike që kanë pasur në dispozicion ka qenë çelësi i suksesit të tyre.
DeepSeek, një model low-cost i inteligjencës artificiale, mori vëmendjen globale muajin e kaluar kur tha se në letër trajnimi i modelit DeepSeek-V3 kushtoi më pak se 6 milionë dollarë në fuqi kompjuterike duke përdorur çipet H800 të Nvidia.
DeepSeek-R1, lançuar javën e kaluar, është 20 deri në 50 herë më pak i kushtueshëm sesa modeli o1 i OpenAI shkruante llogaria zyrtare e startupit në WeChat.
“DeepSeek R1 është një model mbresëlënës, veçanërisht rreth asaj që ata janë në gjendje të ofrojnë për çmimin,” tha Altman në X.
“Por jemi të emocionuar të vijojmë punën tonë kërkimore dhe besojmë se më shumë fuqi kompjuterike është më e rëndësishme sot sesa kurrë më parë për të arritur sukses në misionin tonë,” shtoi Altman.
Mbërritja e DeepSeek ka ngritur alarmin lidhur me vendimin e kompanive teknologjike Amerikane për të investuar miliarda dollarë ndërsa aksionet e lojtarëve të teknologjisë u goditën rëndë.
Nvidia humbi 593 miliardë dollarë vlerë tregu ditën e Hënë dhe është humbja më e madhe në një ditë regjistruar ndonjëherë për një kompani të Wall Street.
