Partizani do të ketë një kalendar sfidues në shkurt. Fillimisht do e nisë me Laçin, sfidë e cila vlen për javën e 23-të të Superiores.
Të kuqtë do i bëjnë llogaritë në këtë takim pa shërbimet e Agim Zekës. Ky i fundit plotësoi numrin e kartonëve në përballjen me Dinamon. “Demave” u mungon kështu autori i golit të sfidës së fundit në Laç, që u mbyll 1-1.
Në anën tjetër dy lojtarë të tjerë rrezikojnë të mungojnë në derbin me Tiranën, nëse ndëshkohen. Bëhet fjalë për Bytyçin dhe Kekon.
Nëntë ditët e para të shkurtit janë një sfidë e vetë ku në mes të takimeve për Superioren, luhet dhe çerekfinalja me Laçin në Kupë.
