Këshilli i Lartë i Prokurorisë (KLP) në mbledhjen e kësaj të hëne ka zgjedhur këtë të mërkure nënkryetarin e ri, përmes një procesi votimi me dy raunde.
Në garë ishin tre anëtarët jo magjistratë Erjon Fejzulla, Erind Mërkuri dhe Erind Gërmenji. Në raudin e parë, kandidati Erjon Fejzulla siguroi vetëm një votë, ndërsa dy të tjerët, Erind Mërkuri dhe Erind Gërmenji nga pesë vota secili.
Për rrjedhojë, dy kandidatët me pikë të barabarta vijuan garën, ku në raundin e dytë të votimit, anëtari Erind Gërmenji siguroi 6 vota të 11 anëtarëve të këshillit, duke fituar pozicionin e nënkrytarit të KLP.
Posti i nënkryetarit të KLP-së është mbajtur më parë nga ish-anëtari jo magjistrat, Tartar Bazaj.
Kujtojmë se pas përfundimit të mandatit të ish-kryetarit të KLP, Alfred Balla, afro 8 muaj më parë, KLP zgjodhi si kryetare kandidaten e vetme, Mirela Bogdani.
Megjithëse 6 prej 11 anëtarëve të KLP vijnë nga radhët e prokurorëve, legjislacioni përcakton se pozicionet drejtuese duhet të mbahen nga anëtarët jo magjistratë.
