Arben Ahmetaj ka hedhur akuza se drejtësia po merret personalisht me të vetëm me urdhër të Edi Ramës, duke shtruar pyetjes se pse SPAK nuk merret me pasurinë e Belinda Ballukut, Ogerta Manastirliut apo të vetë prokurorëve të saj.
Gjithashtu, Ahmetaj hodhi akuza edhe ndaj Top Channel se sipas tij, ka tentuar dy herë për të shkuar në Lugano për të filmuar jetën e tij private, edhe pse në Zvicër është në shkelje të ligjit.
Ahmetaj: Shikoni pasurinë time more, shikojeni. Shikojeni morë edhe pasurinë e Dumanit, edhe të Millonait edhe të Ben Krajës… Më është rritur mua pasuria që kur jam bërë ministër? Joo. Përjashto vlerësimin në bazë të ligjit dhe rivlerësimit të imobilarëve nuk ka asnjë shtesë pasurie ka vetëm rënie. Merre pasurinë e kryeministrit… Nuk dua të hy në detaje në respekt të asaj zonjës, në respekt të asaj zonjës, jo në respekt të kreut të organizatës… Merreni pasurinë e Belindës, është rritur, merreni pasurinë e Ogertës, është rritur, po si ore u marrkan këta me një kontratat të Erjolës aty dhe dyqind faqe duan ta quajnë pastrim parash, se di do qejfi Altin Dumanit??
Sa e ka marrë Ben Kraja shtëpinë në Lalz? Sa e ka marrë Erjola? Sa e ka marrë shtëpinë Millonai, sa vjet është pritur për të paguar, pse e ka marrë me gjysmë çmimi Dumani… nuk do merrem me këto. Por po të doni, tashi në një kënetë të mbushur me mushkonja nuk të bën më përshtypje kur pickohesh. Edhe nuk e shikon. Do duhet të vijë të të pickojë ndonjë shqiponjë apo pelikan që të zgjohesh. Edhe del Top Channel merret me mua. E di ti çfarë ka bërë Top Channel, ka tentuar dy herë të vijë këtu në Lugano për të filmuar jetën time. I them, ju lutem, e para duhet të dini që në Zvicër është vepër penale që të filmosh dikë pa pëlqimin e tij, por mund të vini të shikoni jetën time. Ia ka dalë, po ta them ty pronare, ia ka dale Edi Rama bashkë me Altin Dumanin ta bëjnë jetën time ferr, ia ka dalë ta zerojë. Por po kthehem prap te thelbi, shihni deklaratat e pasurisë. Por po kthehem prap te thelbi: fola për partinë. Fola se çfarë ka ndodhur me koordinatorët e krimit, fola çfarë përfaqëson qeveria, qeveria është 5D, 5B është fenomen i njohur, i aprovuar nga Edi Rama.
