Prokuroria e Beratit u ka sekuestruar mbi 8 milionë euro pasuri dy personave nga Berati pasi aktualisht janë nën hetim për “mashtrim”.
Bëhet fjalë për pasuritë e shtetasve A.L dhe A.Ç., të cilët sipas autoriteve rezultojnë se kanë mashtruar persona të ndryshëm në disa qytete, duke përfituar shuma të mëdha monetare në lekë dhe valutë të huaja.
Organi i akuzës raporton se shtetasve të mësipërm u janë sekuestruar të gjitha llogaritë bankare dhe pasurive të paluajtshme.
“Me kërkesë të prokurorisë u sekuestruan pasuritë e këtyre shtetasve në disa banka të nivelit të dytë në Berat dhe Tiranë, shumat e mëposhtme:
- 668.290.299,4 Lekë;
- 1.110.392.37 EURO;
- 224.470, 28 USD;
Si dhe dhjetë pasuri të paluajtshme të këtyre shtetasve në Tiranë, Vlorë edhe Berat”, njofton Prokuroria e Beratit.
