Egnatia duket se nuk ka ndërmend të heqë dorë nga mbrojtja e titullit kampion, dhe kjo vërehet mjaft qartë nga afrimet që ka bërë në merkato, teksa së fundmi ka bërë dhe një “goditje” surprizë.
Përmes një postimi në rrjetet sociale, rrogozhinasit kanë raportuar zyrtazimin e afrimit të sulmuesit nga Mali i Afrikës, Saliou Guindo.
Ky është një rikthim për sulmuesin afrikan në Shqipëri, teksa dy vite më parë mbante veshur fanellën e Laçit, ku në atë sezon fitoi edhe trofeun “Golashënuesi më i mirë” i Kategorisë Superiore, duke realizuar 19 gola në 34 ndeshje.
Gjithashtu, Saliou Guindo ka qenë në Shqipëri edhe pjesë e Skënderbeut dhe Bylisit.
Ndërkohë, pas largimit nga Laçi, sulmuesi afrikan ka qenë pjesë e ekipeve Dibba SCC në Emiratet e Bashkua Arabe, Maccabi Petah Tikva në Izrael dhe PAS Lamia në Greqi.
“Saliou Guindo afrimi më i fundit i kampionëve. Sulmuesi i njohur për kampionatin Shqiptar është afrimi më i fundit i Presidentit Demrozi. Pas firmosjes së kontratave , futbollisti i bashkohet ekipit në stërvitje.” – shkruan shkurtimisht Egnatia në njoftimin për afrimin e sulmuesit.
Ky është afrimi i pestë në këtë merkato për Egnatian, pas nënshkrimeve me futbollistët Fernando Medeiros, Mario Dajsinani, Leo Melo dhe Eljon Sota
