Fitorja kundër Gironës dhe mbërritja e Kyle Walker-it nw Milano: dy lajme të mira brenda pak orësh.
Gjërat po konkretizohen, Milani është me të vërtetë pranë realizimit të goditjes së parë në këtë sesion merkatoje.
Sipas asaj që raporton ‘Sky’, të mërkurën Manchester City ka pranuar ofertën e klubit kuqezi për ish-mbrojtësin e Tottenhamit, i cili është gati të vishet kuqezi.
Walker ka nisur tashmë sot aventurën e tij në Milano, duke kryer vizitat mjekësore dhe duke firmosur kontratën. Pas kësaj, ai do të vihet në dispozicion të trajnerit Conceição.
Siç raporton ‘Sky’, Milani dhe Manchester City kanë gjetur një marrëveshje përfundimtare mbi formulën: Walker do të transferohet në Milano në formë huazimi (falas) me të drejtë blerjeje të caktuar në 5 milionë euro.
Shuma prej 5 milionë eurosh, e nevojshme për blerjen përfundimtare të kartonit të mbrojtësit, ishte pika e fundit që duhej zgjidhur dhe në këtë rast dy klubet arritën një marrëveshje të mërkurën pasdite.
