Prokuroria e Posaçme i ka konfiskuar pasuritë shtetasit Elvin Merlika, pasi sipas organit të akuzës janë të pajustifikuara nga burime të ligjshme dhe për pasojë prezumohet se janë rezultat i veprimtarisë kriminale të personave të hetuar dhe të personave të lidhur me ta.
Elvin Merlika është shpallur në kërkim nga SPAK në kuadër të operacionit “Plumbi i Artë”, pasi është i dyshuar për veprën penale të: “Sigurimi i kushteve dhe i mjeteve materiale për të kryer vrasje”, në dëm të Indrit Dokles, kryer në bashkëpunimin e posaçëm të grupit të strukturuar kriminal, “Grupi i strukturuar kriminal”, “Kryerja e veprave penale nga grupi i strukturuar kriminal dhe organizata kriminale”.
Më konkretisht, sipas dëshmive të Nuredin Dumanit, Elvin Merlika dhe Alket Xhixha kishin shkuar në Kosovë ke e kishin takuar dhe në emër të Ervis Martinajt i kishin kërkuar që ai të vriste Indrit Doklen.
Nga pasuritë e konfiskuara aksionet që ai ka patur 3 kompani, ku në dy prej tyre Ervin Merlika është pronar i 100% të aksioneve,. Gjithashtu i janë konfiskuar edhe 8 apartamente, 9 makina, troje, garazhde dhe bodrume. Këto pasuri që u konfiskuan ishin sekuestruar nga SPAK me vendim të Gjykatës së Posaçme më 23 Janar të vitit 2023.
Pasuritë që i janë konfiskuar Ervin Merlikës:
- 100% të kuotave të shoqërisë “Zeus Garden” sh.p.k.
- 49% të kuotave të shoqërisë “M.S.G Security” sh.p.k.
- 100% të kuotave të shoqërisë “London Eye” sh.p.k.
- Pasuri e paluajtshme e llojit arë, me sipërfaqe 3250 m2, me adresë Fushë-Kuqe Kurbin.
- Pasuri e paluajtshme e llojit apartament 14/5, kati i 6, me sipërfaqe 108 m2, në zonën e Kasharit.
- Pasuri e paluajtshme e llojit truall me sip. 6026 m2, ZK.3051, me adresë Priskë Tiranë.
- Pasuri e paluajtshme e llojit apartament, me sip. 105 m2, me adresë Yzberisht.
- Pasuri e paluajtshme e llojit arë më numër, me sipërfaqe 3250 m2, me adresë Fushë-Kuqe Kurbin.
- Pasuri e paluajtshme e llojit apartament më numër, me sipërfaqe 38.85 m2, me adresë Yzberisht Tiranë.
- Pasuri e paluajtshme e llojit apartament, me sip. 81.24 m2, në posedim nga shoqëria “………..” sh.p.k.
- Pasuri e paluajtshme e llojit garazh, me sip. 50.82 m2, në posedim nga shoqëria “………..”,.
- Pasuri e paluajtshme e llojit apartament, me sip. 89 m2, me adresë Tiranë.
- Pasuri e paluajtshme e llojit apartament, me sip. 35.09 m2, me adresë Tiranë.
- Pasuri e paluajtshme e llojit bodrum, me sip. 9 m2, me adresë Bulevardi “Bajram Curri” Tiranë.
- Pasuri e paluajtshme e llojit apartament, me sip.30.2 m2, me adresë Rruga “Karl Gega.
- Pasuri e paluajtshme e llojit garazh, kati i parë nëntokë në objektin e shoqërisë “Xh……” sh.p.k.
- Pasuri e paluajtshme e llojit apartament, me sip. 105 m2, me adresë Yzberisht.
- Pasuri e paluajtshme e llojit arë, me sipërfaqe 3250 m2, me adresë Fushë-Kuqe Kurbin.
- Pasuri e paluajtshme e llojit pyll me sip. 6026 m2, me adresë Priskë e Madhe, Tiranë, në vendin e quajtur (Fusha e Bukur).
- 9 (nëntë) automjete të markave të ndryshme.
Dëshmia e Nuredin Dumanit:
I penduari i drejtësisë, Nuredin Dumani, në deklarimet e tij para prokurorëve, ka thënë se ka marrë porosi nga Ervis Martinaj për të vrarë Endrit Doklen, “punë” për të cilën i janë ofruar 500 mijë euro, ku 100 mijë euro i ka marrë parapagim.
Dumani thekson se se në emër të Ervisit kanë vajtur dhe e kanë takuar në Kosovë dy shtetas një i thirrur Eli dhe një tjetër që është vëllai i Besian Xhixhës. Ata kanë vajtur me një automjet tip Hummer. Gjatë takimit Eli ka komunikuar me Ervisin dhe më tej me telefonin e Elit ka komunikuar me Elvisin i cili i ka propozuar vrasjen e Indrit Dokle.
Nga hetimi është bërë e mundur që të identifikohet se shtetasi Eli është pikërisht shtetasi Elvin Merlika, kurse shtetasi që Nuredini e prezanton si vëllai i Besianit është pikërisht shtetasi Alket Xhixha. Alket Xhixha dhe Elvin Merlika kanë udhëtuar në drejtim të Kosovës me automjetin tip Hummer të cilin e identifikon Nuredin Dumani. Në vijim të komunikimeve Nuredini ka marrë një shumë prej 100 000 Euro nga Ervisi.
Pas këtyre deklarimeve, SPAK ka lëshuar urdhër arresti, ndër të tjerë, edhe për Elvin Merlikën, megjithëse ende nuk është kryer arrestimi i tij.
