Gjatë këtyre ditëve ka patur një nominim të fortë “kokë më kokë” mes Egli Takos dhe Xum Allushit në “Big Brother Vip Albania 4”, të caktuar me anë të Kutisë së Pandorës nga Egli, gjë e cila ka ndezur edhe më shumë debatet në shtëpi.
Njëri prej tyre la shtëpinë gjatë spektaklit të djeshëm dhe publiku kishte vendosur për të eliminuar nga gara Xum Allushit. Ai rezultoi si më i votuari në përgjigjen e pyetjes se “Kë doni të largoni?”
Vendimi iu dha në studion e “Big Brother VIP” dhe me rikthimin e Eglit në shtëpi, më entuziasti ishte Gjesti që priti banoren me përqafime dhe urime.
Ndërkohë, banorët që u dërguan në nominim janë Gerti, Bernardi, Klajdi, Jozi, si dhe Gerta, e cila është në nominim të përhershëm pasi u caktua nga Aldo pas Kutisë së Emergjencës.
Ata u zgjodhën nga banorët me nominimin e zakonshëm “dy emra, dy arsye”, teksa njëri prej tyre, më pak i votuari në pyetjen “Kë doni të shpëtoni?” do të lerë shtëpinë e BBV-së gjatë spektaklit të së shtunës.
