Disfata me Bolonjën i kushtoi shtrenjtë Nuri Shahin. Borusia e Dortmundit vendosi të largojë nga detyra trajnerin 36-vjeçar, i cili ishte prej kohësh nën vëzhgim prej ecurisë jo të kënaqshme të skuadrës.
Klubi gjerman konfirmoi shkarkimin e teknikut, pas humbjes së katërt me radhë në të gjitha aktivitetet.
“Në vijim të analizës së brendshme për ecurinë e skuadrës, Borusia e Dortmundit vendosi të largojë menjëherë nga detyra trajnerin Nuri Shahin”, thuhej në njoftimin e klubit.
