Një zjarr ka rënë mesditën e kësaj të hëne në një kompleks baninimi në zonën e njohur si Komuna e Parisit, në Tiranë. Nga flakët u përfshi një filial i “Raiffeisen Bank”.
Mësohet se punonjësit dhe banorët nuk e kanë kuptuar se ka rënë zjarr pasi alarmi nuk ka punuar dhe shumë prej tyre kanë mbetur brenda. Të tjerët kanë braktisur ndërtesën me urgjencë, ndërsa të tjerë, siç shihet edhe në foto, një person tenton të shpëtojë duke kaluar nga “ura” që lidh dy godinat e kompleksit.
Paraprakisht dyshohet se shkak për zjarrin është bërë një shkëndijë në paketën elektrike të një zyre që ndodhej në kompleks.
Në godinë ndodhen edhe zyrat e një biznesi Call Center.
Shërbimet zjarrfikëse ndodhen në vendngjarje dhe po punojnë për fikjen e zjarrit.
Grupi hetimor po punon për përcaktimin e shkakut të rënies së zjarrit.
