Analisti Fatos Lubonja, ka komentuar e presidentit amerikan Donald Trump. Lubonja tha se Trump i sheh gjërat si biznesmen.
Analisti tha se vizioni i Trump është antineoliberal globalist. Lubonja deklaroi se Donald Trump është populist dhe se dëshiron një Europë të shteteve e jo të bashkuar.
“Trump premtoi se do të ndalë luftërat. Donald Trump i sheh gjërat si biznesmen. Trump bëri premtime të mëdha, që më duken të fryra. Vizioni i Trump është antineoliberal globalist. Ai do një Amerikë që tërhiqet brenda vetes që forcohet dhe bëhet konkurrente me ekonomitë e tjera.
Donald Trump është një populist, i eci ky populizëm në fitore, por tani të shikojmë çfarë do të ndodhë. Trump nuk do Europë të bashkuar, por do Europë të shteteve. Donald Trump ftoi vetëm kryeministren italiane Georgia Meloni, që është e djathta. Europa duhet të bashkohet që të shohë interesat e veta“, tha Lubonja në News24.
