Dymbëdhjetë gola në më pak se 1000 minuta të luajtura, duke marrë parasysh natyrën e një zëvendësuesi të caktuar për të nga Unai Emery, është ajo që ka ngjallur një interes të madh për Jhon Duran. Qendërsulmuesi 21-vjeçar, në pronësi të Aston Villas, ka përfunduar në fokusin e West Ham, sipas thashethemeve të fundit nga Sky Sports UK.
Për më tepër, Hammers – sipas transmetuesit satelitor – kanë paraqitur një ofertë prej 57 milionë sterlinash (rreth 67 milionë euro) plus bonuse. Një oferte e madhe që megjithatë gjeti murin e drejtuesve te Villas, të cilët nuk duan ta shesin lojtarin duke qenë se së fundmi ai ka zgjatur kontratën deri në vitin 2030, duke raportuar se vlerësimi i tij shkon në 70 milionë paund (afërsisht 80 milionë euro).
West Ham ka qenë prej kohësh i interesuar për Duran dhe menaxheri i ri i West Ham, Graham Potter është një admirues i madh i sulmuesit të Villa. Por Unai Emery nuk ka dyshime dhe nuk dëshiron të lejojë që kolumbiani t’i vidhet.
E ndiqte edhe Napoli
Antonio Conte ëndërroi të nënshkruante me Jhon Durán në janar, por marrëveshja u komplikua shpejt. Klubi anglez duket se nuk është i gatshëm të shesë në janar kolumbianin e lindur në vitin 2003, i cili së fundmi ka rinovuar kontratën deri në qershor të vitit 2030.
Kjo sigurisht nëse nuk ka oferta marramendëse. Nuk mungojnë te interesuarit, por për momentin kolumbiani është i destinuar të qëndrojë në Premier League.
