Tirana po kalon një moment tepër të vështirë, teksa humbja 0-4 ndaj Egnatias, rezultoi fatale për trajnerin Gugash Magani, i cili sipas mediave dha dorëheqjen edhe pse nga palët nuk ka asgjë zyrtare deri më tani.
Mësohet se ditën e sotme drejtuesit bardheblu kanë kontaktuar Klodian Duro dhe me shumë gjasa do të jetë ai timonieri i ri i Tiranës, por nuk mungojnë dhe alternativat e tjera.
Në ditët në vijim pritet të ketë një vendim zyrtar për sa i përket “timonierit” të ri të kryeqytetasve. Vlen të theksohet fakti se Duro është një njohës i vjetër i ambientit bardheblu, teksa ka mbajtur veshur fanellën e Tiranës për shumë vite duke u shpallur edhe kampion.
