Është zbardhur identiteti i të moshuarit, i cili humbi jetën, pas zjarrit që përfshiu banesën e tij mbrëmjen e kësaj të diele në zonën e Alliasit në Tiranë.
VIktima është 75-vjeçari Ramazan Karimani, teksa sipas Policisë së Tiranës, dyshohet se zjarri ka rënë aksidentalisht në banesën private të tij, teksa i moshuari jetonte vetëm.
75-vjeçari sapo ishte kthyer në banesë dhe kishte ndezur një zjarr, i cili më pas ka përfshirë dhe banesën. Ngjarja ka ndodhur rreth orës 20:00, në rrugën “Myzafer Spaho”.
Mësohet se Ramazan Karimani jetonte në kushte të mjerueshme dhe për të mbijetuar mblidhte kanaçe. Dyshohet se ai vuante dhe nga probleme të shëndetit mendor.
Mbetet e panjohur ende dinamika e vatrës dhe shkakut të zjarrit, teksa priten rezultatet e ekspertimit piroteknik dhe detajet e tjera.
