Një ngjarje e pazakontë ka ndodhur këtë javë në futbollin holandez, gjatë ndeshjes së Kupës ku është përballur Herneven i drejtuar nga Robin Van Persi, me amatorët e Kuik Boys.
Ndeshja në fjalë nuk ka spikatur vetëm për faktin se amatorët eliminuan skuadrën e elitës, por edhe për atë që i ndodhi sulmuesit moldav të Heerenveen, Ion Nikolesku.
Futbollisti kishte një ënjtje në syrin e tij të djathtë, pas një përplasje disa minuta më parë. Por ai po vazhdonte rregullisht lojën kur shfryu hundët.
Në mënyrë të pazakontë, syri i doli nga zgavra, me futbollistin e çuditur i cili thjesht preku me dorë pjesën e ënjtur ku ishte syri i tij në pozicion jonatyral, duke krijuar një pamje të rëndë për të gjithë ata që po ndiqnin ndeshjen në TV.
WTF. Zie wat er met dat oog gebeurd van Nicolaescu na het snuiten van zijn neus.
#qbohee #heerenveen pic.twitter.com/uVQhYODrX4— JosTi (@J0sTi) January 16, 2025
Për çudinë e të gjithëve, ai vazhdoi të luante, por u zëvendësua më pas nga trajneri Van Persi në kohën shtesë.
