Artistja e mirënjohur shqiptare Parashqevi Simaku prej rreth dy javësh ndodhet e shtruara në një spital psikiatrik në New York të Shteteve të Bashkuara të Amerikës.
Lajmin e ka bërë me dije biznesmeni Elton Ilirjani, i cili i ofroi mbështetje, strehim madje edhe bashkimin me djalin dhe ish-bashkëshortin.
Këngëtarja ka pranuar që t’i nënshtrohet konsultave mjekësore tek psikiatri, pasi është e nevojshme për shëndetin mendor të saj, edhe pse është diçka shumë e trishtë për të.
“Çfarë ka ndodhur me Parashqevi Simakun këto 2 javë? Nesër ajo bën dy javë që është shtuar në një spital psikiatrik në New York. Ka dy javë që është në një pavion psikiatrik të një spitali të New York-ut. Është shumë e trishtë dhe për mua ka qenë një nga momentet më të vështira por e kuptoj që çdo sëmundje ka nevojë për diagnozë dhe për kurim“, thotë Iliriani në një video të postuar në rrjetet sociale.
Parashqevi Simaku është kthyer në një temë kryesore të mediave që në momentin që Elvira Tata e gjeti artisten shqiptare në stacionin e metrosë në New York, ku qëndronte prej kohësh.
