Babai i 25-vjeçarit Klement Beqaj, i cili plagosi me armë zjarri Gledian Hoxhallarin, bashkëshortin e bashkëjetueses së tij, është shprehur se Melisa ka qenë e martuar kur u lidh me djalin e tij.
Në emisionin “Me zemër të hapur”, ai u shpreh se vetëm kohët e fundit e ka marrë vesh që Melisa ishte e martuar. Babai i 25-vjeçarit deklaroi se fillimisht nuk ka qenë dakord me lidhjen e tyre.
Ai i kërkoi djalit të tij që të dorëzohet sa më shpejt, duke shtuar se i vjen keq për atë që ka ndodhur.
“Mund të kishin 6 muaj 1 vit që ishin të lidhur. Kohët e fundit e kam marrë vesh që ajo ishte e martuar.
Jetonte bashkë me Melisën. Më vjen shumë keq për ngjarjen. Nuk e kam idenë se ku ndodhen.
Mesazhi për djalin tim është që të kthehet sa më shpejt. Në fillim nuk isha dakord për lidhjen e tyre, por pastaj fola me prindërit e saj. Ka qenë e martuar Melisa kur Klementi u lidh me të”, tha babai i autorit.
Ndërkohë gjendja e 40-vjeçarit vijon të mbetet e rëndë dhe ndodhet në intubim tek Trauma.
