Reali i Madridit i sezonit të kaluar ishte një kështjellë kundër së cilës përplaseshin gjithmonë të mëdhenjtë e Spanjës dhe Evropës. Tashmë kjo forcë e “Los Blancos” duket është zhdukur plotësisht në këtë sezon, sidomos ndaj të mëdhenjve të Spanjës dhe Evropës.
Në sezonin e kaluar, Reali i Madridit humbi vetëm një ndeshje përballë të mëdhenjve në La Liga. Ishte ajo kundër Atletikos së Madridit që rezultoi dhe humbja e vetme gjatë gjithë sezonit.
Në këtë sezon, ata kanë humbur dy herë kundër Barcelonës, një herë ndaj Liverpulit, kundër Milanit, ndaj Bilbaos dhe kanë barazuar kundër Atletikos së Madridit. Suksesi i vetëm ndaj një skuadre të madhe ishte ndaj Dortmundit në Ligën e Kampioneve.
Një shembull i qartë se si po ecën Real Madridi këtë sezon. Skuadra e bardhë ka humbur tashmë gjashtë ndeshje, duke treguar një dobësi alarmante në mbrojtje që reflektohet në faktin se Barcelona ka shënuar nëntë gola ndaj tyre në dy ndeshje.
