Një 51-vjeçar është arrestuar në Tiranë gjatë një operacioni policor të koduar “Gun”. Operacioni u realizua pas hetimeve të bazuara në informacionet inteligjente të policisë që tregonin se i dyshuari mbante armë zjarri pa leje në ambientet e subjektit të tij privat.
I arrestuari, shtetasi A.H., banues në Tiranë, u kap në flagrancë gjatë një kontrolli në mobilerinë që ai administronte.
Gjatë kontrollit, shërbimet e Policisë sekuestruan në cilësinë e provës materiale një armë zjarri të tipit pistoletë me mulli.
Materialet për këtë rast i janë referuar Prokurorisë për veprime të mëtejshme procedurale.
