Everton ka shkarkuar trajnerin Sean Dyche vetëm disa orë para ndeshjes së raundit të tretë të FA Cup kundër Peterborough këtë mbrëmje.
Vendimi vjen pas rezultateve të dobëta. Klubi nga Liverpooli ka fituar vetëm një nga 11 ndeshjet e tyre të fundit në Premier League, teksa renditen në vendin e 16-të në tabelë dhe vetëm një pikë mbi zonën e rënies.
“Klubi i Futbollit Everton konfirmon se Sean Dyche është liruar nga detyrat e tij si trajner i ekipit të parë të meshkujve me efekt të menjëhershëm. Ian Woan, Steve Stone, Mark Howard dhe Billy Mercer gjithashtu janë larguar nga klubi”. – thuhet në një deklaratë të klubit.
Evertoni në të cilin aktovizikohet Armando Broja do të drejtohet përkohëisht nga ish-lojtari Leighton Baines dhe kapiteni Seamus Coleman.
“Procesi për emërimin e një trajneri të ri është duke u zhvilluar dhe një përditësim do të jepet në kohën e duhur”, vazhdoi deklarata. “Trajneri U-18 Leighton Baines dhe kapiteni i klubit Seamus Coleman do të marrin përgjegjësinë për punët e ekipit të parë në një bazë të përkohshme.”
Club statement.
— Everton (@Everton) January 9, 2025
