Dy persona të shpallur në kërkim ndërkombëtar nga autoritetet italiane janë arrestuar nga forcat Operacionale (Fast Albania) të Policisë së Shtetit. Dy të arrestuarit akuzohen në Itali si anëtarë të organizate kriminale për trafikun e lëndëve narkotike.
Më konkretisht në pranga është vënë shtetasi Ylli Zherri alias Ylli Gjuci, 32 vjeç, i lindur në Mamurras. Autoritetet raportojnë se ai është kapur në Mamurras, pasi Gjykata e Vareses në Itali, i ka caktuar masën e sigurisë “Arrest në burg”, për veprën penale “Trafikimi i lëndëve narkotike”, kryer në kuadër të organizatës kriminale.
Gjithashtu, në pranga është vënë dhe shtetasja Lumnije Freskina alias Lumnije Danaj 60 vjeçe, e lindur në Shkodër. Raportohet se ajo është kapuir në Shkodër, pasi Gjykata e Apelit e Firences, Itali, i ka caktuar masën e sigurisë “Arrest në burg”, për veprën penale “Trafikimi i lëndëve narkotike”, kryer në kuadër të organizatës kriminale.
Interpol Tirana po bashkëpunon me homologët në Itali për të finalizuar procedurat e ekstradimit të 60-vjeçares shkodrane dhe 32-vjeçarit nga Mamurrasi.
