Padiksutim që gjithë vëmendja e kësaj jave është te Klasikja e Shqipërisë. Vllaznia do të duelojë me Tiranën në kuadër të javës së 20-të të Superiores, duel ky që do të luhet në “Loro Boriçi”, duke nisur që nga ora 17:00.
Të premten të gjithë do të jemi sy e veshë nga Shkodra, ku do të luhet një nga ndeshjet më spektakolare në futbollin shqiptare dhe 2025 nuk mund të niste më mirë se kaq. Prania e tifozëve nuk do të mungojë dhe për këtë kuqeblutë kanë nxjerrë në shitje biletat.
Gjithashtu kanë bërë të ditur edhe çmimet e tyre dhe pikat kryesorë ku mund t’i blejnë biletat. Çmimet variojnë nga 100 lekë në tribunën C dhe D në 1.500 lekë në tribunën VIP.
