Policia e Shtetit njoftoi këtë të mërkurë se Dritan Rexhepi, i ashtuquajturi “bosi i kokainës”, i arrestuar në Stamboll të Turqisë në nëntor të vitit 2023, do të ekstradohet sot drejt Shqipërisë.
Siç duket nga një foto e shkrepur kohëve të fundit, Dritan Rexhepi është thinjur paska ndryshe, nga fotografitë e mëparshme të shpërndara nga policia dhe Interpol.
Rexhepi, një prej personave më të kërkuar në Shqipëri, po gjykohet në mungesë nga Gjykata e Posaçme. Ai akuzohet për porositjen e rrëmbimit të Jan Prengës më 17 janar të vitit 2020, si dhe për vrasje në Krujë disa vite më parë. Po ashtu, ai është nën hetim për falsifikim dokumentesh në Fier.
