Gjendja shëndetësore e Kryepeshkopit të Shqipërisë, Anastas Janullatos është përkeqësuar.
“Situata aktuale e Fortlumturisë së Tij Kryepeshkopit të Shqipërisë z.Anastas vlerësohet si kritike nga mjekët”, thuhet në një njoftim nga spitali Evangjelismos në Athinë, ku ndodhet i shtruar që prej së premtes.
Këtë të diele ai është vizituar në spital edhe nga kryeministri grek Kyriakos Mitsotakis, i cili u informua nga mjekët për gjendjen e tij shëndetësore.
Prelati 95-vjeçar u shtrua në një spital të Tiranës për shkak të një virusi më 30 Dhjetor, por gjendja e tij shëndetësore u përkeqësua dhe më 3 Janar u pa i nevojshëm transferimi i tij në Athinë.
95-vjeçari monitorohet nga afër nga ekipi mjekësor i spitalit, nën drejtimin e profesorit të Pulmologjisë dhe Kujdesit Intensiv, Anastasia Kotanidou.
