Françesko Hasaj tashmë edhe zyrtarisht është pjesë e Vorës, duke u bërë kështu goditje e parë në këtë merkato janari. Lojtari ditën e sotme është prezantuar nga skuadra e Kategorisë së Parë.
Mesfushori 23-vjeçar vetëm pak ditë më parë mbylli aventurën e tij me Kukësin dhe tashmë nis një aventurë të re në karrierën e tij me një nga skuadrat pretendente për të siguruar ngjitjen në Superiore, duke u vënë kështu nën urdhrat e trajnerit Bellai.
Vlen të theksohet fakti se klubi i Kukësit, ka rënë dakord me Vorën që të mbajë përqindjen e kartonit të Hasajt në rast të rishitjes së tij.
Kujtojmë që Vora e mbylli fazën e parë në krye të klasifikimit, teksa tashmë i lind për detyrë që të mbajë këtë pozitë deri në fund të sezonit.
