Një shtetas kosovar ka tentuar të hyjë në Shqipëri, përmes pikës doganore të Morinës me një shumë të konsiderueshme parash të padeklaruara.
Bëhet fjalë për shtetasin V. Z., 41 vjeç, banues në Kosovë, të cilit gjatë kontrollit fizik i janë gjetur 13 420 euro. Ai është proceduar penalisht në gjendje të lirë për veprën penale “Mosdeklarimi në kufi i të hollave dhe i sendeve me vlerë”.
“Procedimi penal për këtë shtetas nisi pasi në hyrje të RSh-së, gjatë kontrollit fizik shtetasit V. Z., shërbimet e Policisë i gjetën 13 420 euro, të cilat nuk i deklaroi konform ligjeve në fuqi. Paratë u sekuestruan në cilësinë e provës materiale.” – thuhet në njoftimin e Policisë.
Materialet procedurale i kaluan Prokurorisë së Kukësit për veprime të mëtejshme.
