Manchester United i Ruben Amorim pësoi të hënën humbjen e tretë radhazi në shtëpi.
Neëcastle ka siguruar tri pikët në 20 minuta falë golave të Isak dhe Joelinton dhe trajnerit portugez i është dashur të rishikojë planin taktik: në minutën e 33-të ka aktivizuar Mainoo në vend të Zirkzee, me këtë të fundit që ka dalë mes fërshëllimave dhe nuk ka qenë aspak i kënaqur.
Holandezi, pas një përqafimi të shpejtë me trajnerin, ka shkuar direkt në dhomat e zhveshjes, por është kthyer më pas në stol. Kjo situatë ka prekur Gary Neville, legjendë e klubit:
“Më vjen shumë keq për Zirkzee. E di që paguhet shumë, por mbrapa parave qëndron një qenie njerëzore dhe ky trajtim që i kanë bërë tifozët është brutal. Në Old Trafford nuk shihen shpesh gjëra të tilla dhe unë jam këtu prej 43 vitesh”, ka thënë Neville.
Në 26 ndeshje të luajtura në këtë sezon, Zirkzee ka shënuar katër gola dhe ka dhënë dy asiste. Shifra të kritikuara nga Neville, por që ka theksuar kryesisht ambientin e dëmshëm:
“E kam thënë më përpara se ky klub është një varrezë lojtarësh me reputacion të mirë. Kështu vazhdon të jetë.
“Këtë vit kanë ardhur Yoro, De Ligt, Ugarte e Zirkzee, askush nuk mendonte se United nuk kishte marrë lojtarë të mirë. Problemi është se Manchester United duket një skuadër më e keqe tani”.
