Viti 2024 ka qenë plot sfida, por pa vuajtje të forta psikologjike, sipas Meri Shehut.
Në programin “Rudina” në Tv Klan ajo shpjegon se kjo ndodhi falë favorizimit nga komunikimi. “Viti tjetër është më i fortë, më dominant, më sfidues dhe ka gjëra akoma më të rëndësishme për të folur, duhet ta marrim më seriozisht”, këshillon astrologia më e famshme në Shqipëri.
Muaji dhjetor mbyllet me planetë në prapavijë e ashtu nis edhe viti 2025. Katër planetë të rëndësishëm bëjnë lëvizje që do të ndikojnë fort te shenjat, por nëse përballojmë me sukses tre muajt e parë, gjithçka do të shkojë mirë.
Meri Shehu: Dhjetori filloi me dy planetë të kundërt, me Mërkurin dhe Marsin. Marsi i kundërt vazhdon të jetë akoma. Do ta mbyllim këtë vit me Marsin e kundërt në Luan, ai do të kthehet në janar e shkurt në retrogradë në Gaforre, por një Mars në Gaforre retrogradë nuk është planeti më i këndshëm për një shenjë që lidhet me familjen, miqësinë, nostalgjinë, gjërat e afërta dhe njerëzit e dashur, gjithmonë fut pak më shumë energji sesa duhet dhe kur është i kundërt, akoma më vështirë. Po të kalojmë me sukses tre muajt e parë të vitit do të anashkalojmë përballje, sfida delikate. Kemi tre planetë të rëndësishëm që do të ndryshojnë pozicion. Është Neptuni në Peshk, do të kalojë në Dash, Saturni që është në Peshk do të kalojë në Dash në periudhën maj-tetor dhe rikthehet edhe njëherë në vjeshtë përsëri në Peshk, por ky kalim 4-5 mujor do të bëjë diferencën për këtë vit. Në këtë periudhë, në qershor e deri në fund të nëntorit, Urani pas 7 vjetësh lë shenjën e Demit dhe futet për 5-6 muaj në shenjën e Binjakëve dhe do të jetë një ndryshim shumë i madh që prek të gjitha shenjat. Jupiteri në fund të qershorit kalon nga Binjakët në Gaforre. Katër planetë të rëndësishëm që ndyrshojnë shenjë, do ta bëjnë vitin 2025, do të bëjnë një kthesë të madhe nga ato çfarë kemi dëgjuar deri tani dhe shpjeguar.
Astrologia thekson se edhe periudhat e eklipseve do të kenë peshën e tyre në ngjarjet që do të pasojnë.
Meri Shehu: Kemi periudha të eklipseve që ndodhin në maj dhe në shtator, eklipset ndodhin në diagonalen Virgjëreshë-Peshq kështu që do të jenë shumë të forta për t’u përballur. Kemi Marsin që e fillojmë direkt janarin me Marsin e kundërt në Luan dhe do të lodhë pak pjesën e familjeve, të luftërave, sfida sepse Gaforrja nuk prek vetëm vendin tonë si ambiente familjare, por edhe ndërkombëtare që mund të ndikojnë edhe në jetën tonë sepse çdo gjë që ndodh jashtë, edhe ne ndikohemi shumë.
