Juventusi e mbyll vitin 2024 si i pamposhtur, por me barazimin e 11-të të sezonit në kampionat. Në javën e 18-të të Serisë A, skuadra e Thiago Motta-s barazoi 2-2 me Fiorentinën, duke mbetur në të njëjtin nivel në renditje me skuadrën violë: të dyja me nga 32 pikë.
Në ‘Allianz Stadium’, në pjesën e parë, Thuram hapi rezultatin në minutën e 20-të me një goditje të djathtë pas një depërtimi qendror me topin. Në pjesën e dytë, ai e riktheu avantazhin për bardhezinjtë pas barazimit të përkohshëm të Kean (38′). Një dopietë që nuk mjaftoi për të vendosur fatin e ndeshjes.
Në minutat e fundit, Sottil (87′) arriti të barazonte rezultatin për Fiorentinën, duke shënuar golin e rezultatit përfundimtar 2-2 pas një gabimi të Cambiasos.
