Vora e mbylli pjesën e parë të sezonit si kampione dimri, teksa pas 17 javësh arriti të grumbullojë 4 pikë. Arian Bellai e ka theksuar herë pas here se më e vështirë është të mbahet vendi ni parë se sa të arrihet.
Për këtë drejtuesit do të bëjnë përforcime cilësore që të arrijnë objektivin titull dhe ngjitjen në Superiore. Kështu skuadra e Vorës ka arritur marrëveshjen për tranferimin e Francesko Hasajt, i cili së fundmi ka luajtur me Kukësin.
Futbollisti kryeqytetas do të veshë fanellën e Vorës, teksa klubet kanë gjetur dakortësinë mes tyre. Madje Kukësi përveç se do të fitojë të ardhura, ka ruajtur edhe një pjesë të kartonit të lojtarit në rast rishitje në të ardhmen, teksa zyrtarizimi i Hasajt është çështje ditësh.
