Një urë që lidh dy shtete veriore në Brazil u shemb të mërkurën ku për pasojë kanë humbur jetën dy persona dhe rezultojnë të zhdukur disa të tjerë.
Sipas autoriteteve një derdhje e acidit sulfurik nga një prej kamionëve që ra nga ura po e ndërlikon operacionin e shpëtimit.
Makinat dhe kamionët po kalonin urën Juscelino Kubitschek de Oliverira kur ura u shemb dhe ato ranë në lumë.
Ndërkohë policia që po vepron në kufirin e shteteve veriore Maranhao dhe Tocanitins tha se mungojnë tetë automjete, katër kamionë, dy makina dhe dy motoçikleta.
Magnum Coelho një kolonel në zyrën lokale të zjarrfikëse u tha gazetarëve se dërgimi i zhytësve për operacionet e shpëtimit është i rrezikshëm sepse lumi Tocantins mund të kontaminohet nga acidi sulfurik nga një prej kamionëve që ra nga ura.
