Pavarësisht humbjes, ndaj Partizanit ra në sy një nga të rinjtë e Vllaznisë. Fjala është për Ensar Tafilin, mesfushorin që u hodh në fushë në minutën e 43-të, pas një shqetësimi muskulor të Krymit.
Për tu kthyer tek Tafili, ai zhvilloi një lojë goxha pozitive, duke rënë në sy me ritmin dhe elegancën e tij me topin. Madje ai ka tërhequr edhe vëmendjen e skautëve të huaj që ishin të pranishëm ditën e premte në stadiumin “Arena e Demave”.
Mësohet se disa skautë sllovakë janë interesuar për 19-vjeçarin, duke kërkuar informacione më shumë sa i përket moshës dhe karakteristikave të tij.
Ensar Tafili u afrua në merkaton e verës te Vllaznia, ku la Partizanin për tu rikthyer edhe njëherë në vendlindje e në ekipin ku u formua si futbollist. Tashmë me merkaton dimërore që është në prag gjithçka mund të ndodhë.
