Tre autobusë linje janë djegur gjatë natës së kaluar në rrugën “Ali Demi”, tek ish-Uzina e Auto-Traktorëve në Tiranë. Ngjarja ka ndodhur rreth orës 00:35, në parkingun e një firme private.
Sipas burimeve zyrtare, dyshohet se për shkak të një defekti elektrik është përfshirë nga flakët një autobus linje dhe si pasojë e shpërndarjes së flakëve janë djegur dhe dy autobusë linje.
Grupi hetimor po punon për sqarimin e plotë të rrethanave të shkakut të rënies së zjarrit.
