Bitcoin ka humbur 10% të vlerës që nga e hëna e kaluar, ndërkohë që edhe kriptomonedhat e tjera kanë humbur terren.
Bitcoin ka rënë ndjeshëm përgjatë një jave. Kriptomonedha më e shtrenjtë në treg, këmbëhet me 95 mijë dollarë, duke humbur gati 10% të vlerës që nga e hëna e kaluar, ndërsa momenti i pikut u prek të premten kur këmbëhëj 93 mijë dollarë.
Që nga muaji nëntor, kur Donald Trump fitoi zgjedhjet në SHBA, tregu i monedhave dixhitale pësoi një rritje të fortë, duke cuar vlerën maksimale të Bitcoinit në 108 mijë dollarë, një rekord absolut ky që nga dita kur nisi të qarkullojë, në vitin 2008.
Rënia preku edhe kriptomonedha e tjera që ndjekin Bitconin, si Eterium, Dogecoin apo Coinbase.
Luhatjet nisën kur, Rezerva Federale në SHBA njoftoi se pret ulje të normave të interesit vitin e ardhshëm. Këto të fundit, zakonisht stimulojnë aktivitetin ekonomik, rrisin fitimet e korporatave dhe rrisin vlerën e aseteve të ardhshme si aksionet dhe kriptovalutat.
Sot vlera globale e kriptomonedhave ka arritur në 3.31 trilionë dollarë, dhe shumë vende kanë përqafuar rregullimin e tregut dixhital, përfshirë edhe administratën e presidentit Donald Trump në SHBA.
