Dinamo fitoi përballë Egnatias në sfidën e vlefshme për javën e 19-të të Superiores. Ndeshja e zhvilluar në stadiumin “Elbasan Arena”, përfundoi 2-1.
Dinamo kaloi në avantazh të dyfishtë me golat e Mandelës dhe Nanit. Përkatësisht lojtarët dinamovitë shënuan në minutën e 23-të dhe 59-të. Ndërsa goli i Egnatias me Ndrecën në të 67-tën, nuk mjaftoi.
Me këtë fitore, Dinamo shkon në kuotën e 34 pikëve në vendin e parë të renditjes 1 pikë më shumë se Partizani i vendit të dytë. Në krahun tjetër, me 30 pikë, Egnatia mbetet në vendin e katërt.
