Tyson Fury dhe Oleksandr Usyk janë gati të përballen sërish. Më 18 maj, boksieri ukrainas arriti t’i jepte anglezit Fury humbjen e tij të parë ndonjëherë, duke i marrë kështu kurorën e peshave të rënda. Oleksandr Usyk është kampioni i padiskutueshëm i peshave të rënda, i cili zotëron titujt, WBA, WBC, IBF dhe WBO.
Tani është koha për revansh, ku të dy boksierët do të rikthehen në ring mbrëmjen e sotme, më 21 dhjetor, në një duel që do të zhvillohet në Rijad të Arabisë Saudite.
Ndeshja do të transmetohet ekskluzivisht në DAZN. Në lojë është kurora e unifikuar e peshave të rënda dhe për të dy boksierët pritet një shpërblim marramendës me miliona dollarë.
Revanshi Fury-Usyk sonte
Fury dhe Usyk sërish përballë njëri-tjetrit. Pas përballjes së majit, e quajtur ‘Ring of Fire’ si kënga e famshme e Johnny Cash, tani rikthehen në ring për ‘Revanshin e Krishtlindjeve’, një titull i huazuar nga një film i Pupi Avatit. Dy boksierë të nivelit të lartë, me një bilanc të shkëlqyer, përballen përsëri. Tyson Fury, anglez 36-vjeçar, ka një rekord prej 34 fitoreve, 1 barazimi dhe 1 humbjeje. Nga ana tjetër, ukrainasi Oleksandr Usyk, 37 vjeç, asnjëherë nuk është mundur me KO si profesionist dhe është mbajtës i të katër kurorave të peshave të rënda.
Sa do të fitojë Tyson Fury nga përballja me Usyk?
Në ndeshjen e majit, Fury kishte përfituar më shumë se Usyk. Shuma totale e asaj përballjeje ishte 85 milionë paund për t’u ndarë mes tyre, afërsisht 100 milionë euro. Nga kjo shumë, 70% përfundoi në llogaritë e ‘Gypsy King’, ndërsa pjesa tjetër iu dha ‘Maçokut’ Usyk, i cili përfitoi edhe më shumë falë fitores dhe unifikimit të titujve.
Shuma që do të përfitojë Usyk?
Ende nuk është bërë publike shuma e saktë e revanshit. Por raportohet se në lojë mund të jenë mbi 110 milionë paund, që përllogariten mbi 130 milionë euro. Këtë herë, ndarja e fitimeve pritet të jetë ndryshe. Si kampion në fuqi dhe figura kryesore e eventit, Usyk ka avantazhin. Ka gjasa që kjo shumë të ndahet në mënyrë të barabartë mes dy boksierëve. Dueli i peshave të rënda mes ukrainasit Oleksandr Usyk dhe anglezit Tyson Fury do të zhvillohet të shtunën, më 21 dhjetor, në Rijad dhe do të nisë në orën 21:00 me orën e Italisë.
