Një aksident është shënuar mbrëmjen e sotme në aksin Qafë-Thanë, ku dy mjete janë përplasur me njëra-tjetrën.
Paraprakisht dyshohet se aksidenti ka ndodhur për shkak të motit të keq, me reshje shiu dhe mjegull.
Fatmirësisht nuk raportohet për persona të lënduar, por vetëm dëme materiale.
Policia ka shkuar në vendngjarje dhe ka nisur hetimet për të zbardhur shkaqet e plota të aksidentit.
