Një incident i pazakontë është regjistruar në seancën e sotme parlamentare në Kuvend, ku ka ndodhur një përplasje fizike mes dy deputetëve të opozitës.
Flamur Noka shtyu dhunshëm nga foltorja deputetin Agron Shehaj, i cili e mbante të bllokuar prej disa orësh, pasi kryeparlamentarja Elisa Spiropali e përjashtoi nga seanca pas tensioneve për refuzimin e interpelancës me ministren Belinda Balluku.
Por, pasi Agron Shehaj u largua nga seanca, ai vazhdoi të qëndronte para foltores, duke qenë “live” në rrjetet sociale me telefonin e tij.
Në këtë moment ka ndodhur dhe një përplasje e dytë fizike mes tyre, ku siç shihet edhe në videon e mëposhtme, Flamur Noka i ka marrë dhunshëm telefonin dhe ia ka disa metra drejt derës së sallës.
Pas kësaj përplasje, kryetarja e Kuvendit, Elisa Spiropali njoftoi ndërprerjen e seancës.
