Kryetari i Partisë Mundësia, Agron Shehaj ka reaguar në rrjetet sociale, në lidhje me atë çfarë ndodhi sot në Kuvend, ku Flamur Noka e largoi me dhunë nga foltorja.
Teksa e quan një akt të paprecedent, Shehaj shprehet se ngjarja e sotme tregoi qartë se që të gjithë kanë një interes, që të mbajnë pushtetin e tyre si ata që janë në pushtet dhe ata që janë në opozitë.
Ai përcjell mesazhin se nuk mund ta ndalojnë dot me dhunë, teksa shton se i gjithë sistemi ka interes që gjërat mos të ndryshojnë që të vazhdojnë në këtë mënyrë
“Të dashur miq, ajo që ndodhi sot në Kuvendin e Shqipërisë është e paprecedentë në këto 33 vjet demokraci. Një përfaqësues i opozitës që i kërkon llogari mazhorancës dhe ministres për një aferë prej 1.3 mld euro largohet me dhunë nga foltorja jo nga përfaqësues të mazhorancës, jo nga garda, por nga sekretari i partisë opozitare më të madhe në Shqipëri. Kjo tregon qartë që të gjithë kanë një interes të mbajnë pushtetin e tyre si ata që janë në pushtet dhe ata që janë në opozitë. Por kam një mesazh për të gjithë ata që mendojnë se me dhunë mund të na ndalojnë. Ne nuk dorëzohemi. Jemi të vetëdijshëm që i gjithë sistemi ka interes që gjërat mos të ndryshojnë që të vazhdojnë në këtë mënyrë. Ne do të vazhdojmë, nuk dorëzohemi aty do na keni pavarësisht dhunës që ju ushtroni.” – shprehet Shehaj.
View this post on Instagram
