Te Partizani po bëhen kategorizime të lojtarëve dhe kjo duket edhe në minutat që ata po marrin. Është e vërtetë që stafi teknik u ka dhënë minuta emrave si Kote apo Buxhelaj, që janë të rinj dhe e ardhmja e klubit, por ka mënjanuar disa të tjerë, pjesa më e madhe afrime të merkatos.
Piloto dhe Mintongo tashmë mund të quhen lojtarë të ekipit B, pasi vetëm stërvitje bëjnë me skuadrën e parë dhe ndeshjet i luajnë në Kategorinë e Tretë.
Sakaq, Osmanllari qëndron vazhdimisht në stol, edhe kur skuadra nuk ka një tjetër mbrojtës të djathtë në dispozicion. Zguro është larguar tashmë, teksa në ndeshjet e fundit po vihet re edhe një mënjanim i Bytyçit, i cili deri para disa ndeshjesh ishte titullar fiks dhe pikë kyçe e skuadrës.
