Surprizë e madhe në Bundesligë. Florian Wirtz ka vendosur të injorojë ofertat e bujshme. Mesfushori ofensiv gjerman do të firmosë një kontratë të re me Bayer Leverkusen.
E pagabueshmja “Kicker” raporton se lojtari i kombëtares së “Pancerave” i ka thënë “po” ofertës së “Aspirinave” për të rinovuar deri në qershor 2028, praktikisht me një vit më shumë.
Ai do të bëhet lojtari më i paguar në historinë e Bayer Leverkusenit, 10 mln euro bruto. Pra, rreth 5 mln euro neto në vit. Shifër e lartë? Po, por Bayern i kishte ofruar dyfishin.
Për më tepër, Wirtz kishte oferta edhe nga dy klube big në Europë, Real Madrid dhe Manchester City. Ai ka vendosur që të vijojë rritjen e tij personale në “Bay Arena” dhe kapërcimi i madh të ndodhë në një kohë më të vonshme.
