Detaje të reja janë zbuluar lidhur me atentatin e ndodhur sot në Athinë, ku një shqiptar mbeti i vdekur e një tjetër i plagosur.
Krahas 45-vjeçarit Irakli Davella nga fshati Mesopotam i Bashkisë Finiq, i cili mbeti i vrarë, i plagosur rëndë ka mbetur edhe një shqiptar i identifikuar si, Edi Lolo 46 vjeç.
Sipas burimeve, Edi Lolo kishte pak ditë që ishte kthyer nga Dubai në Greqi.
Nuk dihet ende se kush ka qenë objektiv i atentatit, pasi edhe Davella rezulton i përfshirë në një grup kriminal shqiptaro-grek, i cili prej vitesh vepronte në Athinë dhe drejtohej nga të ashtuquajturit “kumbarë të natës”.
Tre prej pjesëtarë të grupit ku bënte pjesë më parë Davella, rezultojnë të ekzekutuar më parë e disa të arrestuar.
Irakli Davella rezulton të ketë marrë nënshtetësi greke në vitin 2009. Ai është pronar i një lokali në zonën e Peristerit në Athinë dhe gjatë verës jepte edhe automjete me qira në ishujt grekë.
